Wednesday 13 January 2016

പ്രവാസികളുടെ അടയാളപ്പാറ


                  പ്രവാസികളുടെ അടയാളപ്പാറ






ഗൾഫ്‌ മലയാളികൾക്ക് ഒരിക്കലും മറക്കാൻ പറ്റാത്ത പാറയാണ് ഖോർഫക്കാനിലെ ഈ അടയാളപ്പാറ. 1960-70 കളിൽ അനേക ഗൾഫ്‌ പ്രവാസികൾ ഈ തീരത്ത് ഉരുക്കളിൽ വന്നിറങ്ങിയിരുന്നു . സ്വപ്നഭൂമി തേടി നീന്തലറിയാത്ത അനേകം പേർ ഈ തീരത്ത് മരിച്ചു വീണു . പത്തേമാരിയിൽ ഈ തീരത്ത് എത്തി കടൽ തീരത്ത് കൂടെ കാൽനടയായും മലയിറങ്ങി വരുന്ന പിക്ക് അപ്പ് വാനുകളിലും കയറി ദുബായിൽ എത്തി ജീവിതം പടുത്തുയർത്തിയവർ .. പ്രവാസികളുടെ കണ്ണീരും സന്തോഷവും ഒരു പോലെ ഏറ്റുവാങ്ങിയ മണ്ണാണിത് .ജീവിത യാഥാർത്ഥ്യങ്ങളുടെ ചൂരേറ്റു വാങ്ങിയ മണ്ണ് .ഒരു കാലത്ത് ബോംബെയിൽ നിന്നും ഗൾഫ്‌ മരുപ്പച്ച തേടി വരുന്ന ഭാഗ്യാന്യേഷികളായ   മലയാളി ചെറുപ്പക്കാരെ   ഖോർഫക്കാൻ തീരത്ത് ഉരു ഉടമകൾ ഇറക്കിവിടും കാരണം ഹൊർമുസ് കടലിടുക്ക്  ചുറ്റി ദുബായിയിൽ എത്തിയാൽ പോലീസിന്റെ പിടിയിൽ പെടാൻ സാധ്യത കൂടുതൽ ആയിരുന്നു . താരതമ്യേന വിജനമായ ഖോർഫക്കാൻ തീരം അവർക്ക് സുരക്ഷിത താവളം ആയിരുന്നു .നിഷ്കളങ്കരായ തദ്ദേശിയർ അവർക്ക് ആഹാരവും അഭയവും നൽകിയിരുന്നു . 
                         ഖോർക്കാനിലെ  അടയാളപ്പാറ  1980 കളിൽ                            ( കടപ്പാട് : മലയാള സിനിമ  വിൽകാനുണ്ട്  സ്വപ്‌നങ്ങൾ ) 

 ഫുജൈറയിൽ ആഴ്ച്ചയിൽ ഒന്നോ രണ്ടോ തവണ ജോലിയോടുള്ള ബന്ധത്തിൽ പോകുമ്പോൾ പല വട്ടം ആലോചി ട്ടുണ്ട് ഇവിടെ ഒന്ന് ഇറങ്ങി ഈ മണ്ണിൽ കാൽ പതിപ്പിക്കണമെന്ന് . ഒരു നിയോഗം.. കർമബന്ധങ്ങളുടെ പാശം എന്നെ  അവിടേക്ക് വലിച്ചു കൊണ്ട് പോകുന്നത് പോലെ ..  ഒരു നൂറു തവണ ഇതു വഴി കടന്നു പോയിട്ടുണ്ടങ്കിലും ഒറ്റ  പ്രാവശ്യം പോലും ഇവിടെ വണ്ടി നിറുത്തി ഒരു ഫോട്ടോ  എടുക്കണം എന്ന ആശ സാധിച്ചിട്ടില്ല. ഒടുവിൽ 2016 ൽ അതും  സാധ്യമായിരിക്കുന്നു ...അനേക ഗൾഫ്‌ പ്രവാസികളിൽ  ഒരുവനായ എനിക്കും പച്ചപ്പ് തന്ന മണ്ണ് ...ജീവിതം എത്ര    ചെറുതും സുന്ദരവും ...ദൈവ കൃപ ...നന്ദി പ്രവാസമേ.

     അടയാളപ്പാറ  2015 ൽ  ( കടപ്പാട് : മലയാളസിനിമ  പത്തേമാരി  )
                                 
    



                         






     

2 comments:

  1. ഒന്ന് കാണണം അടയാളപ്പാറ.

    ReplyDelete
    Replies
    1. താങ്കളുടെ ആഗ്രഹം സാധിക്കട്ടെ..നന്ദി വായനയ്ക്കും അഭിപ്രായത്തിനും..





      Delete