32 ഇഞ്ച്‌ സാംസുങ്ങ് ടി.വി

                          32 ഇഞ്ച്‌ സാംസുങ്ങ് ടി.വി

തിരുവന്തോരം എയർ പോർട്ടിൽ വൈകിട്ട് 6.30 ന് വിമാനം ലാന്റ് ചെയ്തപ്പോഴെ മനസ്സ് കുളിർത്തു . വിന്ഡോയിലൂടെ പുറത്തേക്ക് നോക്കിയപ്പോൾ ചാറ്റമഴ ..ആവൂ  ആശ്വാസമായി  നാട് പിടിച്ചല്ലോ എന്റെ നാട് നാട്ടിൽ ഞാൻ മുവത്തൻ ( അറബിയിൽ സ്വദേശി )  ആഹാ  തന്തോഴം ..പെരുത്ത സന്തോഷം. പ്ലൈയിൻ ഇറങ്ങി ലഗേജ് കിട്ടാൻ ഒരു മണിക്കൂറെ എടുത്തുള്ളൂ . കോഴിക്ക് മുല വരുമ്പോലെയുള്ള അനന്തമായ കാത്തിരുപ്പിനിടെ പുറകിൽ നിന്ന് ഒരു വിളി, സാറിന്റെ ലഗേജ് വന്നില്ലേ . തിരിഞ്ഞു നോക്കിയ ഞാൻ ഞെട്ടിപ്പോയി കസ്റ്റംസ് ഉദ്യോഗസ്ഥൻ ..ഇവർ ഇത്രയും മര്യാദക്കാരോ ..വെറുതെ ഓരോരോ അപവാദങ്ങൾ പത്രക്കാർ പറഞ്ഞുണ്ടാക്കുന്നതെ ..തങ്കപെട്ടമനിതർ  ഇവരെ കുറിച്ചാണോ ഈ അപവാദങ്ങൾ …ഭാഗ്യത്തിന് ലഗേജ്  ഉടൻ വന്നു .ഗൾഫിൽ നിന്ന് ചുളു   വിലയ്ക്ക്  ഓഫെറിൽ  കിട്ടിയ 32 ഇഞ്ച്‌ സാംസുങ്ങ് ടിവിയിലേക്ക് കോഴി കോങ്കണിട്ട്‌ നോക്കുന്നത് പോലെയുള്ള ഓഫീസറുടെ നോട്ടം കണ്ടപ്പോഴേ മനസ്സിൽ പറഞ്ഞു ..കുടുങ്ങി  വീട്ടുകാരെ ചുരുങ്ങിയ  ചിലവിൽ സന്തോഷിപ്പികാനുള്ള എന്റെ മോഹം ഗോപി.. ഞാൻ വരുന്നത് വരട്ടെ എന്ന് വിചാരിച്ചു പോക്കറ്റിൽ നിന്ന് ബില്ല് എടുത്തു കൊടുക്കാൻ ഒരു വിഫല ശ്രമം നടത്തി .അതവിടെ വെച്ചേരെ സാറെ ഇവിടുത്തെ വിലയ്ക്കാണ് ടാക്സ്..അപ്പോഴാണ് സാറ് വിളിയുടെ ഗുട്ടന്സ് പിടികിട്ടിയത്..അങ്ങേർ ഒരു വലിയ ലിസ്റ്റ് പുറത്തെടുത്തു സാംസുങ്ങ്  ടി വി യുടെ ലിസ്റ്റിൽ നോക്കി 32 ഇഞ്ചിന്റെ ടാക്സ് പറഞ്ഞു 5400 രൂപ ..കർത്താവെ പണി കിട്ടി സാറ് വിളിയുടെ പുറകിൽ ഇങ്ങനെ ഒരു ദുരുദ്ദേശം ഉണ്ടെന്ന് മനസാ വാചാ വിചാരിച്ചില്ല  ..കശ്മലൻ.എന്തായാലും ഒരു നമ്പർ ഇട്ടു നോക്കാം.  സാറെ.. എന്തങ്കിലും ഒന്ന് കുറയ്ക്കണം ..സാറിന് മാത്രമേ പറ്റു ..സാറ് വിചാരിച്ചാൽ മാത്രമേ നടക്കൂ ...
പിന്നെ അതെനിക്ക് അറിയില്ലേ അനിയാ .. ഡിം.. ഇപ്രാവശ്യം സാറിന് അനിയനായി ഡീപ്രൊമോഷൻ കിട്ടി .സാരമില്ല പൂച്ച ഏതായാലും എലിയെ പിടിച്ചാൽ പോരെ. ഒടുവിൽ അങ്ങേർ കാൽകുലേറ്റർ എടുത്ത് കൂട്ടിയും കുറച്ചും നോക്കി .വർക്ക് ചെയ്യാത്തത്‌ കൊണ്ടാതിരിക്കും അതിന് എനിക്ക് തരുന്നത് പോലെ തോന്നും വണ്ണം രണ്ടു ഇടി കൊടുത്തു ..ഭാഗ്യം 1000 രൂപ കുറഞ്ഞു 4300 റിൽ ഉറപ്പിച്ചു.കുറച്ചു കൂടെ താഴോട്ട് ..ഞാൻ അവസാനത്തെ നമ്പർ ഇട്ടു .ഇനി കുറച്ചാൽ റിമോട്ട് മാത്രമേ തരാൻ പറ്റു ..എന്നായി കസ്റ്റംസ് സർ.പണി പാളും എന്ന് തോന്നിയതിനാൽ കൂടുതൽ തർക്കിക്കാൻ നിന്നില്ല. പെട്ടന്നു  പോയി ക്യുവിൽ നിന്ന് പണം അടച്ചു .ആവു ആശ്വാസം ആയി ..വേഗം ടി വി വെച്ച ട്രോളി തള്ളി ഒരു പാട്ടും പാടി സോറി ഒന്നൊന്നര പാട്ടും പാടി പുറത്തിറങ്ങിയപ്പോൾ സമയം രാത്രി 8.30ഇത്രയൊക്കെ അല്ലിയോ പറ്റിയുള്ളൂ ..ആശ്വാസം ഉടുമുണ്ട് ഉരിഞ്ഞില്ലല്ലോ ഭാഗ്യം ..ശുഭരാത്രി..സുഖനിദ്ര.